Ntawv Kwv Txhiaj sau ze ntawm xyoo 325 ua Yes Xus ntej. Ib txhia hais tias phau ntawv Kwv Txhiaj yog ib zag txhais cav txog Tswv Ntuj thiab haiv His Xas Lais kev sib nyiam sib hlub. Tus sau nws muab Tswv Ntuj thiab His Xas Lais txoj kev sib nyiam los piv rau ob tug hluas los ob tug niam txiv nkawd kev sib nyiam sib hlub. Yog vim tus ua phau ntawv Kwv Txhiaj ua ib zag txhais mas nws thiaj hais txog ntau lub npe teb thiab peb tau kev yooj yim hauj sim muab los piv rau tej xwm nyob hauv His Xas Lais kwv huam.
Ib txhia hais tias tus sau phau ntawv Kwv Txhiaj nws ua ib zag cav txog ob niam txiv kev sib nyiam sib hlub, nws muab tus txiv los piv rau tus vaj Xas Los Moos thiab muab tus poj niam los piv rau tus poj vaj. Tab sis nyob ib phau ntawv cav txog ob niam txiv txoj kev sib nyiam xwb. Ntev mus cov Kws Txoj Cai muab phau ntawv ntawd los txhais hais txog Tswv Ntuj thiab haiv His Xas Lais kev sib nyiam sib hlub xws li ob niam txiv uas muaj ib ntus nkawd sib ncaim rov sib nrhiav thiab rov sib ntsib.
Tab yog li cas, yam li tas yog tus sau ncaj qha hais txog dab tsi mas qhov kawg yog zoo ib yam; cov Yus Das thiab cov neeg ua Ntuj kev cai nyem no sawv daws muab phau ntawv Kwv Txhiaj los cav txog Tswv Ntuj thiab nws haiv neeg kev sib nyiam, los cav txog Yes Xus thiab ib tug neeg ntseeg nkawd rov sib nyiam, sib ntsib, sib ncaim, sib nrhiav, rov sib ntsib.
Ntawv Kwv Txhiaj tus txheej txheem zoo li no:
- Cov lus qhib phau ntawv (KwT 1: 1-4).
- Thawj zaj kwv txhiaj (KwT 1: 5-2: 7).
- Zaj kwv txhiaj ob (KwT 2: 8-3: 5).
- Zaj kwv txhiaj peb (KwT 3: 6-5: 1).
- Zaj kwv txhiaj plaub (KwT 5: 2-6: 3).
- Zaj kwv txhiaj tsib (KwT 6: 4-8: 4).
- Cov lus xaus (KwT 8: 5-14).