Ntawv ‘Luv’ yog ib zaj nyob hauv ‘cov kauj ntawv’ (Megillot) uas cov Yus Das nyiam coj los nyeem nyob hauv cov hnub ua hmoov; yam li Hnub Tsib Caug.
Tsis muaj tus twg paub tseeb tias yog lub caij twg lawv thiaj sau ntawv Luv; ib txhia hais tias yog lub caij cov His Xas Lais tseem tsis tau mus nyob txim nyob Npas Npis Los teb; yam li lub caij Das Vis thiab Xas Los Moos ua vaj, ib txhia hais tias yog lub caij cov His Xas Lais mus nyob txim rov los lawm. Sawv daws hais tias tab yog lawv sau lub caij twg los ntshai yeej kawg muaj ib lub ntsiab tuaj ntawm txheej thaud tuaj.
Tej zaum lub ntsiab yog tuaj ntawm lub caij muaj cov Txwj Laus Tiv Thaiv. Yog vim li ntawd lawv thiaj sau ntawv Luv nyob ze ntawm lub caij cov Txwj Laus Tiv Thaiv.
Ntawv Luv piav txog ib tug poj niam haiv neeg Muas lub npe hu ua ‘Luv’. Nws tus txiv tuag, nws tseem tsis tau muaj me nyuam. Luv tsiv mus nyob Yus Das teb, nws yuav ib tug txiv His Xas Lais ces nws yug ib tug tub uas yog tus vaj Das Vis yawg.
Ntawv Luv muaj 4 zaj:
1. Luv tsis kam ncaim ntawm nws niam pog Nos Es Mis, nws thiaj nrog tus niam pog tsiv mus nyob Npes Les Hes.
2. Luv ua hauj lwm nyob hauv Npuag Oos cov teb.
3. Luv pw ib hmos nyob ntawm Npuag Oos taw.
4. Npuag Oos thiab Luv sib qaws ua neej.
Ntawv Luv xav qhia tias Tswv Ntuj siab zoo, tab yog cov neeg pej kum cuab tsis kav Tswv Ntuj hlub lawv yog tias lawv ‘tso siab’ rau Tswv Ntuj. Cov His Xas Lais thiaj yuav tsis txhob thuam cov pej kum neeg.