Tim 20 lub 1 hlis, nco txog Leej Ntshiab Vaj Qhia Fas Npias Nus (St. Pope Fabian)

Leej Ntshiab Fas Npias yog tus Vaj Qhia saib xyuas lub Koom Txoos nyob Los Mas txij xyoo 236 txog 250.Thaum Vaj Qhia As Tes Lus (Anterus) tuag tas, Koom Txoos xaiv tsa tus Vaj Qhia tshiab. Tsoom ntseeg sawv daws siv sij hawm 13 hnub sib law los xaiv tab sis tsis tau tus Vaj Qhia tshiab li.Muaj ib hnub txawm muaj ib tug noog nquab ya los tsaws saum Fas Npias taub hau zoo xws li thaum Leej Ntuj Plig Ntshiab txia ua tus nquab ya los nyob saum Yes Xus thaum txais kab ke ntxuav hauv tus dej Yos Las Das, ces sawv daws thiaj sib cav zom zaws tias Tswv Ntuj tau xaiv Fas Npias ua lawv tus Vaj Qhia tshiab. Tsoom ntseeg thiaj tsa Fas Npias ua Vaj Qhia.Thaum ntawd tus vaj Los Mas hu tias ‘Des Xis Us’ (Decius) hiam cov ntseeg nyob hauv lub Koom Txoos, tus vaj hais kom sawv daws hawm cov dab Los Mas thiab txi cov mlom Los Mas. Cov ntseeg txais tsis tau tus vaj Los Mas tsab cai no ces Vaj Qhia Fas Npias thiaj raug ntes thiab tua tuag ua tim khawv.