Mas Kos tsis hu Xis Moos ua ‘Pob Zeb’ mus txog thaum Yes Xus xaiv 12 tus Hauv Paus Xa Lus lawm, Mas Kos mam sau txog lub npe Pob Zeb.
Pob Zeb tsa cuab lawm, tom qab Yes Xus sawv rov los, Pob Zeb coj nws poj niam nrog nws mus tshaj Tswv Ntuj Lo Lus (1KLN 9: 5).
Lawv qhia Yes Xus paub tias Pob Zeb niam tais mob, tej zaus yog lawv tab tom hais rau Yes Xus paub tias tos zaub mov tsis txawj tiav, mas yog vim tus niam tais mob, ces ua rau nws poj niam tseem tsis tau tes npaj zaub mov rau lawv noj, los tej zaus yog lawv xav kom Yes Xus pab kho tus niam tais. Ntawm cov neeg ntseeg, sawv daws muaj peev xwm hais txog lwm tus txoj kev ntshaw rau Yes Xus paub tau, kom Yes Xus pab luag.
Cov neeg mob, thaum lawv zoo, lawv yuav tsis muaj zog ua hauj lwm, tab sis tus tau txais kev kho ntawm Yes Xus, nws muaj zog tam sid, ces nws ua hauj lwm tsob hwb Tswv Ntuj thiab luag tej.
Hnub Xas Npas Tos, cov Yus Das caiv tsis pub ua hauj lwm, yog li lawv thiaj yuav kwv lawv cov neeg mob tuaj rau Yes Xus kho tsis tau. Li ntawd, tsoom sid thiaj li tos kom txog caij hnub poob qhov tso.
Yes Xus tsis kheev cov dab hais dab tsi txog nws, vim Yes Xus tsis xav kom sawv daws ntseeg vim muaj tus ub tus no qhia rau, tab sis Yes Xus xav kom lawv ntseeg vim lawv tau pom. Yes Xus kuj tsis xav kom sawv daws to taub yuam kev txog nws, tsam lawv xav tias Yes Xus tuaj coj lawv tawm tsam tseem hwv.
Tos Yes Xus teev Ntuj kom tau txais ib lub zog tshiab ntawm Tswv Ntuj thiab kom nws lub siab rov kaj, vim Yes Xus vim nag hmo nws tau ua hauj lwm ib hnub. Tsis tas li ntawd, Yes Xus tseem vam txog Tswv Ntuj coj nws kev thiab. Yes Xus tsum txiav siab tias nws yuav ua hauj lwm nyob Kas Fas Naus ntxiv los yuav tshais chaw rau lwm qhov. Yes Xus paub tias nws thawj txoj kab xwm yog ‘tshaj’ (preach) txog Tswv Ntuj lub Ceeb Tsheej. Yes Xus tuaj hauv lub qab ntuj, kom tau qhia (teach) cov neeg kom coob raws li qhov nws yuav ua tau.