16. Phau ntawv txheeb txoj sia

Tom qab Huab Tais Yes Xus muab Tswv Ntuj 10 Lo Lus los tsom kuv tej txhaum tas mas Huab Tais Yes Xus muab phau ntawv txheeb txoj sia rau kuv pom. Nyob hauv mas peb yuav pom tag nrho peb lub neej, pom tas txhua yam peb tau ua tsis hais zoo los phem, pom tas nrho peb lub tswv yim thiab lwm tus lub tswv yim thiab. Zoo xws li thaum peb saib cov xyam ntag, pib txij thaum peb xeeb nyob hauv peb niam lub cev los, mas peb tus plig raug cev cia nyob hauv Tswv Ntuj txhais tes. Thaum ntawd muab cov kab sab ci zoo nkauj dawb paug tawm tuaj ces pib xeeb peb tus plig tawm los thab. Tus nplig mas huv ntshiab dawb thiab zoo nkauj tshaj, tus plig nyob ntxaws hauv Tswv Ntuj kev nyiam.

Nej puas nco qab saib nej cov me nyuam tias thaum yug los tshiab tshiab mas zoo li cas? Thaum tus me nyuam luag ntxhi thiab pib ua suab rov tawm los mas nej puas paub tias yog dab tsi? Yog lawv tab tom nrog Tswv Ntuj sib tham tiag! vim lawv nyob ntxaws hauv Leej Ntuj Plig, peb sawv daws kuj yog nyob hauv Leej Ntuj Plig thiab tab sis tsis zoo li cov me nyuam. Cov me nyuam mas lawv ntshiab tiag taig, lawv tus plig paub ntsoov txog Tswv Ntuj.

Nej yuav xav tsis txog tias thaum Tswv Ntuj tsim kuv los mas zoo li cas, nyob hauv kuv niam plab mas kuv tus plig nyob hauv Tswv Ntuj tes, Tswv Ntuj yog peb Txiv mas yog tus zoo tas tas thiab muab siab ntso saib xyuas kuv ib hnub txwm 24 teev, Tswv Ntuj txuag kuv thiab hlub kuv, Tswv Ntuj ua siab ntev nrhiav nraim kuv thaum kuv txav deb hauv Tswv Ntuj. Kuv tsuas pom txog tej yam Tswv Ntuj muab lub txim rau kuv ris xwb, kuv tsis nco qab ntsia txog Tswv Ntuj kev nyiam kuv li. Tswv Ntuj zov kuv tus plig tsis yog kuv lub cev nqaij thiab Tswv Ntuj pom tias kuv tawm hauv Tswv Ntuj txoj kev cawm.

Kuv niam mas nws yuav txiv tau 7 xyoo, nws tsis muaj me nyuam, nws txom nyem loj vim kuv txiv lub siab tsis ncaj. Thaum kuv niam muaj kuv mas nws ntxhov siab, nws quaj ces deeg txog kuv uas nyob hauv kuv niam lub plab thiab. Kuv tsis tau pom tias kuv niam yuav hlub kuv tas npaum no, thiab kuv niam mas nws hlub kuv mus li, nws ua zoo rau kuv. Tiam sis kuv mas tsuas hais tias kuv niam tsis hlub kuv tas zog, tsuas yog lub Cim Ntshiab cov txiaj ntsim thiaj pab kom peb nyob tau ua ib cuab li no.

Thaum kuv txais lub Cim Ntxuav mas nyob saum Ntuj muaj rooj qav loj. Tus Txiv Plig ua lub cim saum kuv taub hau tias txij no mus mas kuv yog Tswv Ntuj me nyuam lawm.

Kuv pom hauv phau ntawv txheej txoj sia tias kuv txiv tau hla lub Cim Cog Lus, mas kuv thiaj pib paub kev ua txhaum xws li hais lus dag, haus cawv, tsis coj lub siab kom ncaj rau tus txij nkawm, tsim txog kuv niam lub siab. Tej kev txhaum no ua rau kuv muaj tus xeeb ceem tsis zoo.

Huab Tais Yes Xus hais rau kuv tias ‘koj ua li cas rau lub txiaj nyiag kuv tau muab rau koj?

Tswv Ntuj lub txiaj nyiag mas tsw qab tshaj lwm yam tsw qab. Tswv Ntuj lub txiaj nyiag mas yog muab rau kuv coj los ua ib txog kab xwm nyob rau ntiaj teb no. Txoj kab xwm no yog txuag kev nyiam lub ceeb tsheej. Tab sis kuv tsis nco qab tias kuv muaj ntsuj muaj plig, kuv tsis yog tau lub txiaj nyiag xwb, kuv txawm nyob hauv Tswv Ntuj txhais tes thiab. Kuv tsis tau paub dua li tias cov hauj lwm zoo uas kuv tau muab xyeeb pov tseg ntawd yuav ua rau Huab Tais Yes Xus tu siab npaum no.

Kuv pom Tswv Ntuj muab lub txiaj nyiag cia rau hauv kuv thiab hauv nej sawv daws. Lub txiaj nyiag no muaj nqi heev rau Tswv Ntuj. Tswv Ntuj nyiam peb txhua tus, Tswv Ntuj pub ib leeg ib txoj kab xwm cia rau ua nyob hauv lub ntiaj teb no. kuv pom tias cov dab phem mas lawv ntxhov siab kawg vim lub txiaj nyiag Tswv Ntuj pub rau peb no.

Nej puas paub tias Huab Tais Yes Xus thov kom kuv lees txais thiab mob siab rau dab tsi tshaj plaws? Huab Tais Yes Xus xav kom kuv mob siab nyiam lwm tus. Huab Tais Yes Xus hais zoo li no ‘koj txoj kev tuag hauv sab ntsuj plig pib txij thaum koj pom lwm tus ntsib kev txom nyem, koj tsis liam fab rau. Thaum ntawd mas yog koj muaj txoj sia tab sis tuag lawm’ Kev tuag sab ntsuj plig yog zoo li no: koj tus plig yuav muaj kev ntxub ntxaug, tsis zoo saib.

Kuv pom hauv kuv tus plig mas muaj ib tug kaus ple loj chob thiab rub kom kuv poob mus hauv lub hiav txwv dab teb. Qhov no mas tus plig thiaj txom nyem loj tas npaud.

Huab Tais Yes Xus hais ntxiv tias ‘koj tus plig tsis muaj sia txij thaum koj tsis quav ntsej txog koj cov txheeb ze, koj hnov koj pom tias lawv ntsib teeb meem, mas koj ua tus niag tsis paub dab tsi, koj tsuas hais tias ab! Ua cas yuav txaus tu siab ua luag no, tab sis hauv koj lub siab mas tsis tu siab xws li koj llub ncauj hais. Koj lub siab tawv cuag lub pob zeb, koj txoj kev txhaum yog qhov no.’

Related Post

Leave a Reply

Your email address will not be published. Required fields are marked *

Translate »