Lub Tuam Tsev Teev Ntuj Leej Ntshiab Pob Zeb thiab lub Tuam Tsev Teev Ntuj Leej Ntshiab PajLug

Lub Tuam Tsev Teev Ntuj Leej Ntshiab Pob Zeb (St. Peter’s Basilica) mas yog tus vaj Koos Taas Tis Nus ua tus txhim, nws txhim rau saum qhov chaw cov ntseeg hais tias yog Leej Ntshiab Pob Zeb lub ntxa. Thaum txhim tiav tas, Vaj Qhia Xis Ves Taws thiaj li ua kab ke muab cev rau Tswv Ntuj. Txog tiam 16 lub Koom Txoos tau muab rhuav thiab txhim dua tshiab, ces xyoo 1626 tim 18 lub 11 hlis, Vaj Qhia Us Npas Nos Yim thiaj mam rov ua kab ke cev rau Tswv Ntuj dua. Hais txog lub Tuam Tsev Teev Ntuj Leej Ntshiab Paj Lug (St. Paul Outside the Walls) mas tus vaj Koos Taas Tis Nus kuj ua tus txhim tsa tib yam, hos Vaj Qhia Xis Lis Xis Us ua tus cev rau Tswv Ntuj. Xyoo 1823 hluav taws kub, ces lub Koom Txoos thiaj rov txhim dua tshiab thiab xyoo 1854 tim 10 lub 12 hlis, Vaj Qhia Pis Yus Cuaj thiaj muab cev rau Tswv Ntuj. Ob lub Tuam Tsev Teev Ntuj no yog lub cim hais txog kev thooj siab koom ntsws hauv lub Koom Txoos.

Related Post

Leave a Reply

Your email address will not be published. Required fields are marked *

Translate ยป