Nkos Lias txoj kev tuag thiab sawv rov los (15)

15. Koj yuav nyiam lwm tus ib yam li koj nyiam koj

Tsis muaj ib zaug li uas kuv yuav nyiam los yog hlub lwm tus, tsis hais cov nyob ze kuv vaj kuv tsev, kuv cov phooj ywg los kuv cov txheej ze. Kuv tsis quav ntsej txog lawv kev mob kev ua ntsuag. Kuv tsis liam fab rau cov me nyuam tsis muaj niam tsis muaj txiv, cov me nyuam ntsuag, cov nyob hauv kev txom nyem. Tiag tiag mas kuv tsim nyog yuav hais tias ‘kuv tus Huab Tais, thov kom kuv muaj feem tau pab lawv ris lawv kev txom nyem thiab mog!’ tsis muaj ib zaug kuv yuav hais zoo li no li. Kuv lub siab ntxib dhau, kuv thiaj tsis nco txog lwm tus qhov txom nyem, kuv tsis tau ua ib yam kom tsom tau tias kuv nyiam lawv hlub lawv.

Kuv tau rho nyiam ntau los yuav yam ub yam no pub rau cov neeg txom nyem, tiam sis tsis yog vim kuv nyiam lawv, vim kuv muaj nyiaj ntau mas kuv muab siv li ntawd los tsis muaj kev kub ntxhov txog kuv. Kuv ua li ntawd mas yog kom kuv tau ntsej muag, tau lo lus qhua ntawm lwm tus xwb; lawv yuav hais tias li koj mas thiaj yog Leej Ntshiab.

Kuv pub rau cov neeg tsis muaj mas yog kuv yeej muab xav tom ntej tom qab tas lawm tias muaj ib hnub kuv yuav tau rov qab los. Kuv hais rau lawv tias ‘kuv pub qhov no rau koj mog, tab sis koj tsum ua yam no rau kuv, koj pab mus tos kuv tus me nyuam, pab mus nrog kws qhia ntawv tham vim tias kuv tsis muaj lub sij hawm yuav mus khiav tej ntawd’, ‘kuv pub yam no rau koj, tab sis koj pab ua yam no rau kuv puas tau’, kuv txoj kev pab lwm tus mas mus zoo li no.

Kuv ua tus neeg muaj siab hlub lwm tus, khuv leej lwm tus, kom kuv tau tej yam kuv ntshaw. Kuv hlub lawv tsis yog vim lawv txom txom nyem. Kuv ua kom lawv qhua kuv rau lwm tus tias kuv yog neeg zoo.

Huab Tais Yes Xus tsom hauv kuv lub tswv yim ces kuv thiaj pom tias tos kuv tus plig tsuas kev txhaum mas yog vim kuv txoj kev ntshaw. Kuv qhov muag dig vim kuv ntshaw nyiaj txiag, kuv xav tias yog thaum kuv muaj nyiaj ntau mas kuv yuav ntsib kev zoo siab, kuv yuav tau nyob kaj lug. Tiam sis kuv yim muaj nyiaj ntau mas kuv tus plig yim poob qis, kuv lub tswv yim hais kom kuv rov txo kuv txoj sia. Kuv yim muaj mas kuv yim tsis tshuav leej twg, tsuas tshuav kuv tib tug nyob nrog kuv tej nyiaj xwb, kuv muaj kev ntxhov siab ntau, kuv ua siab fab yim tsis kaj. Kuv lub siab ntshaw nyiaj txiag no mas thiaj muaj ib txhais tes yog dab phem txhais los tuav kuv tes cia thiab muab kuv txhais tes daws tawm hauv Tswv Ntuj txhais tes.

Huab Tais Yes Xus hais rau kuv tias ‘koj muaj koj tus Tswv Ntuj, koj tus tswv ntuj yog nyiaj txiag vim nyiaj txiag mas koj thiaj rov tsawm koj, vim nyiaj txiag mas koj thiaj poob mus rau dab teb, vim nyiaj txiag mas koj thiab nyob deb ntawm kuv tus Tswv Ntuj tseeb.’

Thaum Huab Tais Yes Xus hais li no mas yeej yog tiag. peb muaj nyiaj ntau mas peb yim muaj kev siv nyiaj ntau, peb yim muaj nuj qhis cia rau peb ris ua lub nras, ces qhov kawg peb thiaj tsis tshuav ib npib nyob rau qhov twg.

Kuv pib quaj pib yws tias ‘nyiaj dab tsi? thaum kawg qhov kuv tseg ci ces tsuas yog nuj nqis xwb os!’

Tswv Ntuj 10 Lo Lus no mas kuv hla tag nrho, kuv ua tsis tau ib nqe li. Kuv poob nyob hauv kev txhawj kev ntshai. Kuv tau hais tias ‘li kuv mas tsis tau tua leej twg, tsis tau ua kev kub ntxhov rau leej twg’, tej no mas yog kuv rov xav kuv, kuv rov hais rau kuv xwb. Qhov tseeb kuv tau pom mas yog ‘kuv tau tua neeg mus coob tshaj plaws.’

Related Post

Leave a Reply

Your email address will not be published. Required fields are marked *

Translate »