Tus sau: TP. Txhiaj Foom & LTH. Lauj Vam Thaiv (1980)
1) Mloog! Ntuj cov Tshiab hu nkauj tias
“Tus vaj nto moo koob meej yug los.”
Ntiaj teb neeg muaj kev thaj yeeb,
ntuj thiab neeg txhaum rov sib hau.
Peb sawv daws nrog Ntuj cov Tshiab,
yuav zoo siab thiab yuav sib hlub,
nrog Ntuj cov Tshiab hu nkauj tias
“Leej Pleev yug los nyob Npes Les Hes!”
Mloog! Ntuj cov Tshiab hu nkauj tias
“Tus vaj nto koob meej yug los!”
2) Leej Pleev yog peb chaw tso siab,
Leej Pleev yog peb tus Cawm Seej.
Koj txoj hmoov zoo niam Mab Liab,
koj yug Yes Xus los ua neeg.
Yes Xus yog Tswv Ntuj Leej Tub,
peb sawv daws zoo siab los txais.
Huab Tais tau yug los ua neeg,
Yes Xus Pleev yog Es Mas Nus Es.
Mloog! Ntuj cov Tshiab hu nkauj tias
“Tus vaj nto koob meej yug los!”
3) Vaj pub kev thaj yeeb yug los,
nws yog lub hnub pub kev ncaj.
Nws coj txoj sia tshiab rau peb,
muab nws lub hwj chim peb pom.
Nws yug los txhiv kom peb dim,
yug kom tsa peb sawv rov los.
Nws yug los kom tau cawm peb,
peb thiaj li tau rov yug los tshiab.
Mloog! Ntuj cov Tshiab hu nkauj tias
“Tus vaj nto koob meej yug los!”