TIM 6 LUB 1 HLIS – HNUB HWM YES XUS TAWM TUAJ (EPIPHANY OF THE LORD)

Hnub no yog hnub cov neeg ntseeg hauv Koom Txoos sab hnub poob (Kav Tos Liv) yuav nco txog lub caij cov kws hnub qub tuaj hwm tus me nyuam Yes Xus, yog lub sij hawm Tswv Ntuj tau tawm los rau ntiaj teb neeg pom.

Nyob hauv hnub no, Koom Txoos xaiv 3 zaj lus hauv Ntawv Ntshiab cia rau nyeem: zaj ib yog cov lus nyob hauv ntawv His Xais (HX 60: 1-6) yog tus yaj saub His Xais hais tias Tswv Ntuj Leej Tub yog lub hnub qub sawv los ziab tsoom neeg nyob hauv lub ntiaj teb; zaj ob yog cov lus tus Hauv Paus Xa Lus Paj Lug sau tuaj rau cov ntseeg nyob Es Fes Xos (EFX 3: 2-3, 5-6) hais tias Huab Tais Yes Xus tawm tuaj, mas Tswv Ntuj qhia tej yam uas txheej thaud nws tsis tau qhia rau cov yaj saub paub; thiab zaj peb yog cov lus hauv Mas Tais Ntawv Moo Zoo (MT 2: 1-12) piav txog cov kws hnub quaj tuaj hwm Yes Xus.

Hnub Chiv tom qab hnub hwm Yes Xus tawm tuaj, yuav yog hnub ua hmoov Yes Xus txais lub Cim Ntxuav.

Muaj ntau lub Koom Txoos hauv cov teb chaws hloov ua lub txoos teev Ntuj hwm Yes Xus tawm tuaj rau hauv Hnub Chiv tom qab hnub hwm Mab Liab, Tswv Ntuj leej niam, vim tias tej lub caij mas hnub tim 6 no tsis ncaj rau Hnub Chiv, ces ua kev ceeb laj rau cov neeg tuaj teev Ntuj.

Leave a Comment

Your email address will not be published. Required fields are marked *

Translate »
Scroll to Top